جدي محمتير

المبطر

زيدي من لحظات الـوداد
يا المبطر وسيـب العنـاد
إنت ليه إختـرت البعـاد
وفي بلدنـا أبيـت القعـاد
مالقلوب شوقه عليـك زاد
وبي وراك أعلنت الحـداد
مالو سفرك من غير ميعاد
بيهو شمتو علينـا حسـاد
لامتيـن ينـتـم الـمـراد
وبكره نسمع بيك جاي صاد
كم وكم في الدنيـا زهـاد
بيك ولهانيـن يـا سعـاد
ما عيوني أزاهـا السهـاد
ومن مشيت فارقت الرقـاد
الله لي صبري من النفـاد
ويا حليل قلبي الما استفـاد
قلبي لو فـي حبـك يبـاد
يبقي زي المات في الجهاد
داير أوصفو لوشعرى جاد
حاكى فرع البان فرعو ماد
دقو ليهو الكـف يـا ولاد
خلو يبدع زي مـا اعتـاد
يا جميل ربنـا كـان أراد
يبقى حبنـا ليهـو امتـداد
قلت أسافر وأبقي شحـاد
وأمشي لي بيتن في المزاد
عاد أدق الباب والله عـاد
أسكت امشي أقيف كالجماد