جدي محمتير

سماحك منى ضاريهو

داريهو سماحك منى ضاريهو
اتاريهو جبرنى أقوم اباريهو
كسـح وانفـر صاريـهـو
صدح بـى لحنـو ساريهـو
فتـرت غلبنـى اجاريـهـو
غـراق بالحيـل مجاريهـو
رحـل فـارق حواريـهـو
هجر (حشمو) (وجواريهـو)
سكـت غفـرو وسواريهـو
خفـت قوقـاى قماريـهـو
عـذاب قلبـى المواريـهـو
وحاتـك مانـى حاريـهـو
حـــلال زولا تـديـهـو
وسعـيـد ال الله يوريـهـو
زمانـو معاكـى طاريـهـو
زمـن كنتـى بتزوريـهـو
اماااانـى قعـد تضريـهـو
وكـت تـوبـك تفريـهـو
قوامـك جــل باريـهـو
وحـات لـيـلا مباريـهـو
يحيـر سـفـرو قاريـهـو
ويشكـر سوقـو شاريـهـو