من سحر القوافي

التويمات

خلهـن ســوا لا تفـرقـن
يالله توماتـى انـا بعشـقـن
دوره دوره انــا بنتـاوقـن
لحظـة مابـقـدر أفـارقـن
ليه عيونـى الشـوق حارقـن
والدمـوع دايـرى تغـرقـن
والـدن قـال مـا يمـرقـن
خايـف النظـرات تلحـقـن
وخايـف العيـن مـا تعوقـن
كان زمان لـى شتلـو يسقـن
ومره فـى اللوبـى يورقـن
ديـمـه بالقـعـده ينقنـقـن
ويحلفن لو ابي مـا يصدقـن
هـن ويـن تـانـى بيتلـقـن
وليـه يحفـظـن الخالـقـن
يـا عيونـى انـا لا تزهجـن
ولى مشاعرى انا لا تزعجـن
لى خيـوط السعـد انسجـن
يمكـن التومـات يخـرجـن
خطـوه خطـوه بينـدرجـن
وفـى عذابـكـن بيتفـرجـن
انا ما بخاف الموت والسجـن
والله جسمى الصبـى يتعجـن
هـن مالـن ابـن مـا يجـن
ويا الله مالى انا ماشى اجـن
ما بصح يا الحـاج اب شنـب
ولسه ديل مـا بقـو لـلادب
فى المعاملة ما تكون صعـب
انت ما تقسـى علـى العنـب
ومـا تعكـر مويـة الدهـب
شمعتيـن اوعـه مـن اللهب
ونحن يا الزينييـن لينـا رب
متلى كم زول مات بالشجـن
وقبلـى ود الزومـه انسجـن
مــن ضفـايـر بتمـوجـن
مــن خــدودا بتوهـجـن
مـن تويـمـات اتخـرجـن
مـن عيـون اترابـن نجـن
فوق عـروش الحيـا توجـن
لـى مريضـن مـا عالجـن
قلبـى نيـرانـو اتاجـجـن
وكـل اعصـابـو اتبنـجـن
مالـى قبـلاتـى اتعـوجـن
امشى وين يـا نـور الدجـن
ما كفـاى يـا التومـات اذى
وما كفاى انـا لعـب الخـذى
هو طيف ! ويلاوز لى ملاوزه
مـا التويمـات انـا حاجـزه
وحاجـه غيـرن مـا عايـزه
يا الجمالكـن بقـى معجـزه
الـسـن النـقـاد عـاجـزه
انت جيب اوصـاف موجـزه
يـا قليـبـى انــا حـبـزه
تبـقـى حالتـنـا مجـهـزه
ولحظـه تأخيـر مـا جائـزه
ليـه يضايقونـا النـاس كـده
والغرام .. سنه مؤكـده
أنا قلبـي مـن اول مـا بـدا
بـى غـرام التومـات شـدا
والعيـون مويـتـه جـامـده
البـعـاد الـطـال سـهـده
البكـى المكـتـوم شـاهـده
ليهـا ستـه شهـور شـارده
مـن زمـان فارقـت النـدى
مـا بتشـوف نـاس هاديـه
لا زيــارات لا مـعـايـده
لا صدف عـن ساعـه الغـدا
انـا قلـت بالصـبـر ازوده
علـى البعـاد يمكـن اعـوده
تـانـى تـرجـع متـمـرده
تعـيـد اشـواقـه تـجـدده
روحى دركت منـو ينجـده؟
بـلا التويـمـات الـرايـده

بالله عليك يامستر علي سحر الكلام وفي انتظار المزيد