من شيخ العاشقين

سيل الشوق

اجمل منو في الكون كلو ما شفنا
جود يا الله بي لقياهـو أنصفنـا
راضين نحن مهما حبـو كلفنـا
لأنو ملك شعورنا ملك عواطفنـا
والفناهـو لـو يرحـم يوالفنـا
نحن نطيعو ما دايريـن يخالفنـا
حاول مره زورنا عشان تشرفنـا
وبي معنى الجمال الفطري عرفنا
لفينا المدايـن والقـرى وطفنـا
زيـك لا بنلاقـي ولا بيصادفنـا
يـا سواقنـا قـدام بيتـو وقفنـا
خليها الزهـور تمـرق تلاطفنـا
ما حبينا غيـرو وهـو عارفنـا
دايرين لي لماهو الحظ يحالفنـا
ليك غنينا وتـر سلكـو عازفنـا
نظمنـا القصائـد فيـك وألفنـا
دايم حبي ليك ومستحيـل يفنـى
وسيل الشوق على الحابنو جارفنا
تعال بالله أرقص تانـي أتحفنـا
وبي عينيك لو بتحـب تكاشفنـا
ناري أنا من عيونو المنهن خفنـا
عيونا بالسهـام كـادت تنشفنـا
إن نسفت سبيبه معاهـو تنسفنـا
وإن مالت بعد سابتيـن ترجفنـا
حياتنا عليها مـن قبلـك تأسفنـا
ولو ما شفنا حسنك تاني شن شفنا

:lol!:

مشكووووووور