نكات مغتربين

مغترب جاء إجازة وعايز يعرس بعدين سامع بالجكيس ودي مجكسة ودي ودي ... قام سأل اولاد الحلة قال ليهم شوووفو انا زول جيت داير اعرس والليلة شايف في عرس في الحلة ولازم انا اختار من العرس ده قاموا الشباب قالو ليهو خلاص تمام بس انت ارقص مع اي واحده ولو فيها حاجة حنقول ليك عوووك قام صاحبنا قشر يازول ديك القشرة ومشى العرس وآخر رقيص قام شاف ليهو واحده قام مشى يرقص جنبها قامو الجماعة شبكو ليك عوووك تاني قام مشى جنب واحده قامو شبكو ليك عوووك تاني وتالت لغاية البنات ما خلصو صاحبنا احتار قام جاء ليهم شنو يا شباب كل ما الواحد يرقص مع واحدة تقولوا عوووك والله والواحد ما فاضل ليهو إلا يرقص مع اختو قامو الجماعة قالو ليهو عووووووووووووووووووووووووووووووووووووووووووووووووو ووووووووك

:D :D

واحد قام من نومه نص الليل على صوت
الجيران بيصرخوا
قالوا في تسمم في خزانات الموية
رجع البيت سألته زوجته
الحاصل شنو !!
قال ليها مافي حاجة .. إشربي ليك
مويـــة ونومي
.......................................................

مرة واحد من الحبايب المغتربين بلعب مع أولاد الجيران ضربوه ب كوريك
مشي لأمو قالت ليهو العمل فيك كده منو ؟؟ قال ليها ضربني ولد سوداني بملعقة دبل إكس لارش
.................................................
مسطول جاتو فاتورة الموية مليون
قال اكيد الجماعة ديل كتبو مطرة
امبارح دي في حسابي