عبد الله محمد خير

الرسالة الأولى

عاد يا قلبي كيف تعمـل
ماضيك اللكـان أجمـل
سعادتك فيهو ماش تكمل
ودقـاتـك بتتـعـطـل
تقبـل والله مـا تقبـل
مجبور ترضي باللحصل
تخطيطك تراهو فشـل
وما دليت دلـوك نشـل
كفاك زمن شربت عسل
هاك اتجرع الحنضـل
ظنيتـك كبـرت عقـل
وفوق نيرانـو تتملمـل
أخيرلك صلى وإتنفـل
أوعـك تانـى تتطفـل
ماضيك بالأماني حفـل
أفراح فى لعوب وحفل
غاب نجم السعود أفـل
جديا كان ولوف وجفـل
في دنياك مافـي عـدل
شقاوتك ما بـي تتبـدل
بي فوقك جا ماشي قدل
ديسو اللي كتيفو هـدل
يميل ويميـل ويستعـدل
وعينيهو الملاني جـدل
تقبـل والله مـا تقبـل
مجبور ترضى باللحصل

زينة العمر

مـن الازاهــر انــدى يــا ضــوء القـمـر
يـا المنـو صافـى واهـدا يـا زيـنـة العـمـر
لهواكى مابتعد واحفظ لى عهودك يا المحاسنك عـده
عن حبى ما برتد لى ليلة الزفاف بعمل واعد العـده
حبك عقيده ومبدأ ريدك لى طريق انا منو لازم ابـدا
بحسب جفاكى موده واترقب لقاك مهما تطول المـده
اه من شذاك يا ورده واه انا من عيونا بالسلاح تتحدى
فى هوانا ايه الجد ليه قلبك نسانا وجار علينا وصـد
عطفك على لابد هجرك لايطول يا الجاهله لا يمتـد
خايف الطريق ينسد خايف للبنيتو معاكى يـوم يتهـد